كوكب الواقع

يقدم موقع كوكب الواقع مجموعة من أفكار الأستثمار الناجحة ومجموعة من أفكار المشاريع المربحة والمجربة بالاضافة الى أفكار الربح من الانترنت وبعض المقالات التقنية

recent

آخر الأخبار

recent
random
جاري التحميل ...

رائع

أفضل طرق الاستثمار في ازمة ووباء كورونا

أفضل طرق الاستثمار في ازمة ووباء كورونا

مبدئياً كده افضل وقت للشراء وقت الأوبة وقت الازمات والحروب والصراعات في عام ٢٠٠٨ حصلت الازمة المالية العالمية وباختصار بسيط الازمة دي في القطاع المالي والمصرفي اللي مسئول عنهم البنوك هي اللي بتسلف الشركات عشان تشتغل وتاخد فلوس المدخرات بتاعت الناس تشغلها في مشاريع وجزء كبير منها بيكون في القروض والسلف للمواطنين والشركات لما حصل انهيار في قطاع البنوك فمبقتش قادرة تسلف الشركات وحصل افلاس لأكبر الشركات العالمية في الوقت ده والشركة اللي كانت سهمها ١٠٠ دولار وقت الازمة العالمية نزل بقا ٢ دولار
في ناس عقليتهم استثمارية فبيشتري اسهم الشركات في الوقت ده وخلال سنوات التعافي وعودة الاوضاع الي مجراها يبدء سعر السهم يرتفع يرتفع ويكسب ارباح هائلة لكن المشكلة هنا في الوقت ده للي كان معاه سيولة انا بشرح الموضوع ببساطة عشان كل الناس تقدر تستوعب كلامي
الاستثمار
وده اللي بيحصل في أي ازمة اقتصادية او سياسية أو اجتماعية او عالمية زي انتشار فيروس كورونا الرهيب انه افضل وقت للشراء هو الوقت ده وطبعا اللي عندهم سيولة او كاش هيكون عارف افضل اللحظات الاستثمارية دي هستشهد بقول نجيب ساويرس في أحدي الحلقات قالوله انت ازاي جالك قلبك تستثمر في اليونان اثناء ازمتها الاخيرة واعلان افلاسها
قال الاجابة النموذجية : لان ده الوقت المناسب اللي استثمر فيه لأن مفيش حد هيستثمر في الوقت ده و حكومتهم تتمني اي حد في الوقت ده يضخ فلوس فتوفرلك كهرباء وغاز وارض وكل متطلبات المشروع وكمان هيستنوا عليك اذا تعثرت او تأخرت في السداد ايوة ملخص النقطتين دول في وقت الازمات والأوبة ،التجار بيستنوا اي حد يشتري منهم
طبعا في رائي ان ازمة فيروس كورونا اشد وأصعب من الازمة المالية العالمية ايام الازمة العالمية كانت السلع والمنتجات بس مفيش فلوس في البنوك والشركات المالية ازمة كورونا فالفلوس موجودة لكن السلع والمنتجات مش متوفره لان بسبب اجراءات الدول معظم الشركات والمصانع والطاقات الأنتاجية قلت وبقت شبه معدومة خشية طبعا انتشار الفيروس بين العاملين فالطاقة الانتاجية قلت فالسلع قلت ولكن الفلوس والمال متوفر

تأثيرات كورونا

في صناعات تأثرت بالوباء زي قطاع السياحة والطيران - قطاع النقل والخدمات اللوجيستية - قطاع السلع الصناعية مثل الماكينات والسيارات وخلافها فتخيل حد عرض شراء رخصة سياحة او شراء شركة نقل او المشاركة في معرض سيارات وغيرها من القطاعات اللي تأثرت بالوباء اصحاب الشركات هترحب جدا وهيسهل عليك كل الصعوبات لأنك تعتبر في موطن القوة وهو يتمني أي حد يقف جمبه ويكون معاه هو بيعتبرها مكسب في وقتها لكن بالنسبالك هيبقي مكسب في وقت الانتهاء من الوباء وعودة الامور الي طبيعتها

افضل حل للاستثمار هو الأصول

الاصول باختصار بسيط محاسبياً تنقسم الي نوعين

  • الأصول الثابتة: وتشمل الأراضي والسيارات والآلات تشمل المباني والمعدات
  • الاصول المتداولة : وتشمل المدينين (العملاء) وأوراق القبض والمخزون
-الاستثمار الافضل يكون في الأصول الثابتة
لأن هتلاقي اسعار الشقق والعقارات والمحلات وخلافه في انخفاض كبير نتيجة عدم الطلب في الفترة دي فتقدر انك تستغل الفترة دي لو معاك سيولة انك تشتري في كذا منطقة واعده او صاعده وبسعر مخفض يصل الي ٧٠٪ من قيمتها في الوضع الطبيعي وطبعا الله اعلم الازمة دي هتنتهي امتي لكن مع عودة الاوضاع للوضع الطبيعي هتكون استثمرت خير استثمار هل ١٠٠ الف يخلوك تشتري شقة مثلا ؟
ايوة اسعار الشقق في المناطق الشعبية بيتراوح من ١٥٠ الي ٢٥٠ الف علي الطوب الاحمر طبعا في الوضع الراهن قل الطلب علي شراء العقار والمقاولين وأصحاب العقارات عايزة تسيل فلوس فاي حد هيشتري بيحاول يتساهل معاه في الدفع وشروط التعاقد وخلافه تقدر تدفع ال ١٠٠ كجزء مم المقدم والباقي سداد علي سنتين الي ٣ سنين اقساط وممكن اكثر لأن هو نفسه في المقدم بتاعك ده لانه عايز يسيل فلوس باي شكل بدل ما رأس ماله واقف ومحدش عارف هتنتهي أمتي
والافضل ان لو معاك مليون جنية مثلا انك بدل ما تشتري شقة واحدة بمليون جنية. لأ تشتري ٥ شقق بمليون جنية والشقة تكون في حدود ٢٠٠ الف السبب في كده ان العقار غالي الثمن بطئ البيع فمش كل الناس معاها مليون جنية تشتري لكن كثير جدا معاه ٢٥٠ الف طبعا العقار بيزيد بنسبة من ١٠ الي ٧٠ ٪ في السنة علي حسب المكان والخدمات المقدمة في المنطقة وزي ما قولت قبل كده سفلته الشارع بتزود السعر من ٥ الآلاف الي ١٠ الآلاف وغيره طبعا غير دخول المواصلات ولو في مترو قريب منك بيزود منها ولو هيتم بناء موقف او مترو بمسافة كيلو الي ٢ كيلو هيزود جدا من قيمتها والافضل في الاسثتمار هو انك تشتري علي الطوب الاحمر والسبب في كده انك لو شطبت وجيت بتبيع فذوقك للأسف مش هيعجب ناس كتير احنا في بلد متعدد الثقافات فمثلاً اخواتنا في الاقاليم بيحبوا الالوان اللبني والأصفر والبينك فتخيل شقة متشطبة بالوان معينة لا تتماشي مع ثقافة في منطقة تانية بيحبوا مثلا الغوامق والالوان الهادئة بلاش الوان الحوائط لون السيراميك والبورسلين مش كل الناس بتتفق عليه ؛ في ناس بتحب الجبس بورد وناس بيحبوا بيت النور فقط فرصة بيع الشقة المتشطبة اقل بكتير من الطوب الاحمر لانه في حالة الطوب الاحمر بيتفرح علي مساحة علي توزيعة الغرف علي الڤيو لكن في حالة الشقة المتشطبة بيتفرج علي المساحة وتوزيعه الغرف وعلي الفيو وعلي الالوان وعلي شكل الحوائط والانوار وتوزيع الاسلاك الافضل بيكون طوب احمر لأن اللي بيشتري بيبقي حابب يشطب علي مزاجة وخصوصاً العرسان الجدد
طبعا يفضل انك تشتري محلات تجارية لو معاك سيولة ، طبعا شوارع رئيسية زي فيصل والهرم وجسر السويس النزهة او الثورة واي حاجة شبه كده هيكون افضل استثمار المحلات كلها قافله وفي حظر فاغلبيتهم لا حول ولا قوة الا بالله مش قادرين يدفعوا الايجار فبيأثر علي المالك فبيلجا للبيع وبثمن يعتبر اقل من الطبيعي بل الناس اللي مبترضاش تبيع محلاتها وبيكتفي بالإيجار وبيعتبره خير استثمار هيفكر دلوقت في البيع لان الغرض اللي كان مش مخليه يبيع مبقاش موجود وهو الايجار
- الاستثمار في السيارات والعربيات المستعملة تخيل كده مين في وقتنا دلوقت بيفكر يشتري عربية ؟ في حالة ركود في سوق السيارات ومعارض السيارات بتعمل عروض داخلية في الفترات دي بدون الاعلان عنها لانهم ملتزمين بقرار غرفة صناعة السيارات فاللي بيعمل عروض بيعملها داخلية ومبيعلنش عنها فهتلاقي نظام سداد اقل من ذي قبل نظام تقسيط ، تسهيلات كبيرة جداً لانه حاليا في الازمة دي بيدفع ايجار وعمالة فمحتاج يغطي مصاريفه فعايز يسيل فلوس بأي طريقة لانه مش فرحان بركن العربيات عنده في المعرض لان صناعة السيارات صناعة بيع موديل السنة يعني لازم كل سنة يجدد العرض وهو مش معاه سيولة فيحاول انه يتنازل عن مكسب كبير بمكسب بسيط وهكذا من التسهيلات طبعا بما ان سوق السيارات الجديد واقف فسوق السيارات المستعملة واقف أيضا مراكز الصيانة ومكاتب ايجار السيارات لو معاكم سيولة ده افضل وقت للشراء بافضل ثمن ممكن تلاقيه
- اللي عايز يتجوز يتجوز في الوقت ده ، صناعة المستلزمات المنزلية وبما يشبها من الصناعات زي الاثاث المنزلي تتعرض لحالة ركود كبيرة جدا مين اللي بيتجوز في الوقت ده والمفروض ده الموسم بتاعهم لان الافراح كلها بتبقي فب ٥ ٦ ٧ ٨ ٩ والافراح في الشهور دي كان بيتم شراء اثاث والمستلزمات المنزلية في الاوقات دي والشهور اللي احنا فيها فيعتبر الموسم بتاعهم اضرب للأسف فهتلاقي عروض وتخفضيات كبيرة جدا تكاد تكون ٥٠٪ علي ارض الواقع العفش اللي كان بيعمل ٨٠ اقل حاجة حاليا ممكن ٥٠ الف اول اقل بكثير
- طبعا الصناعات الغذائية والأدوية والمستشفيات ده افضل وقت ليهم في الوقت في ظل اي ازمة او وباء فهيبقي صعب فيهم الاستثمار والسبب في كده أن بيحصلهم رواج كبير علي الطلب فسعر الاسهم بيرتفع
اقرا ايضا

عن الكاتب

Bassam Ramadan

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

المشاركات الشائعة

جميع الحقوق محفوظة

كوكب الواقع